Sudanese Poetry

الشعب رامي المستحيل

شعر المكاشفي محمد بخيت

يا بنيه العلمك تاخديني من صدر النعاس
هو الكلمك تدي النصيحه تراب و ناس
حنة أصابعينك جمر
قدلة مشاويرك نحاس
و الضحكة ميدان نجري في
نتكفي لما نقول خلاص
بقي من شقي الرحله القليل
الطار سقف و الباقي ساس
يا السمحة جايينك قريب
راكبين جناح دهشه و حماس
موعدنا في الساحات عصر
وسط الشوارع أقلدك
سودانا مرفوع الجبين
في كل مساحتو بيولدك
ما عاشت ايد ترفع عصاتا و تجلدك
ما عاش منافق دين و دنيا
قطع طريقك جردك
ما انتي ساحات الجميع
مين من عيونك يطردك
الكلمه ليك و الحق يبين
و الثورة غاية تخلدك
ما بتحكمك غابة دقون تضحك عليك
حكماً بلا صوتك صفر
ما بتكتمك قمقم نظام
دستورو ما بسوي الحبر
ما بحكمك تلفاز كسيح
صورو المحنطه تنكسر
دباب...دفاع
أنياب...صراع...أورغن عزا
شُفع علي ضهر الكوامر و الأذي
نشرات محممه بالجليد
و غنوات مسممه تحتضر
و الشاقي حلقو نبيح مديح
يقرالو أبيات من شعر
مرسوم يقرر مين شهيد
و مين يلقي من شرو الجزا
و الحكم حكاموا السمان
دايرنو لو حاكمين شبر
يا شعب رامي المستحيل ما بتنقدر
الكلمه ليك أول و أخير
كم قلت في التاريخ كلام
حكمه و عبر
___________________

Notes:

___________________

Who's Mukashfi Muhammed Bakheet?

You will see such question about other poets in many posts. I didn't ask that question because I do not know them. Many of them were my friends. Many of them are my friends. However, this is only a process to engage you in this network.

If you knew, write a brief bio of Mukashfi Muhammed Bakheet in the form at the Squadron of Poets. Hey, you can write about those you know by this name too. Provide full names, professional career insights and work experiences. Use the comment form to write about this poetry, the author or those you know by this name.

---

You may also be interested to:

Forward HOA's Political Scene